Arogya Sampadesathi Mantra Va Yantra Vudnyan by Dr Madhukar Krushna Desale

भारतीय वैदिक परंपरा अखिल मानव जातीच्या जीवनशैलीस पूरक ठरली आहे. थोर ऋषी मुनींनी शुद्ध वैज्ञानिक दृष्टीकोन जोपासला व श्रेष्ठाति श्रेष्ठ मार्गदर्शक विविध ग्रंथ साहित्याची निर्मिती केली. आरोग्य संपदेला अत्युच्च प्राधान्य देण्यात आले. जीवनवेलीवर सौख्यपुष्प बहरवित हे ध्येय निश्चित साकारले. प्रस्तुत रचनेत, आरोग्यासाठी मंत्र व यंत्र याद्वारे कार्यसुलभता कशी निर्माण करता येईल, प्रभावशाली कसे होता येईल याचाच विचार करण्यात आला. अंक-अक्षरे बीजभारीत आहेत. रहस्यमय असली तरी केवळ कल्याणकारी भाव ठेऊन कोणत्याही समस्यांचे ज्येष्ठांच्या मार्गदर्शनानुसार निराकरण करणे, उकल करणे हा उदात्त हेतु ठेऊन कृती साकारली आहे. दैनंदिन जीवनात या साहित्यकृतीचा निश्चितच उपयोग होईल. पूरक व सहयोगी साहचर्यातून लाभ घेण्यात यावा. सर्वधर्मसमभाव आदरस्थानी, मध्यवर्ती ठेऊन मंगलकर, कल्याणकर भाव प्रत्ययास येईल. विविध उपकारक यंत्राचे प्राणमंत्र आहेत, या मध्यवर्ती कल्पनेस स्वप्रयत्नातून श्रद्धापूर्वक आकार देणे याद्वारे शक्य होईल. भारतीय संस्कृती जोपासण्याच्या कार्यास हातभार लागल्याचे आत्मिक समाधान लाभावे, या गोड अपेक्षेसह वाचकवर्गास सादर.