Dwaj Puran by Rajendra Shelke

ध्वजांचा वापर हा अगदी प्राचीन काळापासून होत असल्याचे दिसून येते. ध्वज हे मानाचे, यशाचे, शौर्याचे व "आदर्शाचे प्रतीक किंवा चिन्ह मानले गेले आहे. प्राचीन काळी काठीला किंवा भाल्याला एखादी प्रतिमा बांधून ते खुणेचे निशाण तयार करीत. तेच ध्वजाचे आद्यरूप म्हणता येईल. कालौघात ध्वजांची रूपे निरनिराळ्या रंगांनी व चिन्हांनी, आकृत्यांनी, चित्रांनी सजविली जाऊ लागली. उंचावर अग्रभागी फडकणारे ध्वज हे रयतेसाठी उत्तेजक व प्रेरकच ठरले व अशा ध्वजांनी तत्कालीन राजवटींना इतिहासात अजरामर करून टाकले हे निर्विवाद !